ســمّ في العســل

ســمّ في العســل

--------------------------------------------------------------------------------
معذرة اخوانى لانى بصراحه مرارتى اتفقعت من التلفزيون المصرى ده

فيه إعلان بييجي في التليفزيون المصري اللي بيدعوا فيه لكفالة طفل يتيم.. أكيد كلكم عارفينه
إعلان لعمل خير وكويّس إنهم يفكروا في حاجة زي دي.. لحد هنا وكله تمام
إنما انهم يجيبوا سيدة مش بتنجب ويقولوها اكفلي طقل يتيم في بيتك تربّيه في شبابك ويونّسك في كبرك ويجيبوا منظر شاب طويل عريض وهو بيقبّلها وهي بتبادله القبلة
همّ مش واخدين بالهم إنه لما يكبر ويبقى راجل بشنبات كده يبقى محرّم عليها؟ يعني يجـوز لها
يعني ما ينفعش انهم يبوسوا بعض بالشكل ده؟
إيه التضليل ده؟
همّ مش عارفين ده كله ولاّ عارفين وبيستعبطوا؟
*******
سؤال تاني.. ليه اكفلي.. مش اكفل؟ و فين زوج الست دي؟
وهي الست اللي بتكفل و لا الراجل؟ و لو هيّ مثلاً مطلقة اوأرملة و كفلت الطفل ده في بيتها وكبر تبقى عايشة لوحدها كده مع راجل بشنبات على إنه ابنها؟
ياسلام..
و ليه المشهد كان الست دي و الولد ده بيبوسها؟ ليه مثلا ماجابوش زوجها و كان المشهد عبارة عن الشاب ده بين أبويه في مشهد عائلي مؤثر؟
اللي انا عايز أعرفه فعلاً.. همّ عُبط؟ يعني مش عارفين؟
ولا بيستعبطوا؟ يعني عارفين ومش فارق معاهم؟
*******